xoves, 16 de xuño de 2022

 QAR E OS VIDEOXOGOS

Contamos coa visita de Qar, de Qaramelo Videoxogos para os grupos de 3º de ESO que nos ofreceu unha charla sobre o seu traballo. Pensamos que foi unha actividade moi arrequecedora porque o alumnado comprobou como  podemos empregar en todos os ámbitos o galego, mesmo nun mundo tan anglófono coma o dos videoxogos. Ao finalizar a exposición, moitos dos alumn@s se achegaron para falar con Carlos Dorado Gayo, QAR.

Velaquí algún dos momentos:





martes, 7 de xuño de 2022

 MÁSCARAS

Neste curso volvemos a facer a exposición de máscaras decoradas polo alumnado de 1º da ESO. Amosaron, coma sempre, moita imaxinación nos deseños. Velaquí algunhas mostras:

                                                       




                           

luns, 6 de xuño de 2022

 PALABRAS MÍNIMAS, CONCURSO DE MICRORRELATOS

Participamos co equipo da Biblioteca no concurso de microrrelatos "Palabras mínimas" para conmemorar o Día das Letras Galegas, adicado este ano a Florencio Delgado Gurriarán. Os traballos tiñan que comezar coa frase: Florencio non dixo máis nada. Ademais, debían ter un máximo de 150 palabras e estaba dirixido ao alumnado de ESO e Bacharelato.

Neste enlace temos os relatos gañadores:

Palabras mínimas

venres, 27 de maio de 2022

 OPS! CURSO DE PORTUGUÉS

Neste curso retomamos o taller de portugués. A actividade era para os grupos de 4º da ESO. O resultado foi moi satisfactorio e o alumnado amosou gran interese nas propostas de Graciela Lois. Entre as máis celebradas figuran aprender a ler portugués á galega e tamén encher espazos en branco dunha canción portuguesa durante a súa audición.

Velaquí algúns momentos do taller:


                                                                     





venres, 20 de maio de 2022

 HORTO DOS TRASNOS

En colaboración coa profesora Mar Noche, do Departamento de Latín, levamos a cabo para 4º da ESO unha actividade que incluía a plantación de varias herbas aromáticas para a elaboración da receita romana  O sal de Apicio. Previamente, o alumnado traballou co vocabulario da devandita receita. Seguidamente, procedemos a plantar catro dos ingredientes, en concreto, ourego, aneto, pirixel e tomiño.

Velaquí  a receita O sal de Apicio e algún dos momentos da actividade:


                                                                               


                                                                       






                                                                                       








mércores, 18 de maio de 2022

 DÍA DAS LETRAS GALEGAS

Neste curso fixemos unha exposición sobre Florencio Delgado Gurriarán, autor a quen se lle adica este ano o Día das Letras Galegas. O alumnado de 1º e 2º ESO elaborou uns carteis con resultados tan bos coma estes:



















                                                                                  


luns, 2 de maio de 2022

 O CONFINAMENTO NUNHA PALABRA

Este curso volvemos a pedir ao alumnado de 1º de Bac que resumiran nuha palabra o que supuxo nas súas vidas o confinamento derivado da pandemia. Para isto elaboraron un vídeo onde contaban a súa experiencia. Os resultados son moi especiais porque amosan vivencias únicas e moi persoais, na maioría dos casos.

Velaquí algúns dos vídeos:


                                                                         



                                Madurez                                                                 Innovación